ఇందిరమ్మ ఇళ్లలో దీపావళి వేడుకలకు ప్రభుత్వం పిలుపు

తెలంగాణలో గృహప్రవేశాలు పూర్తిచేసుకున్న ఇందిరమ్మ ఇళ్లలో ‘మా ఇందిరమ్మ ఇంట్లో దీపావళి’ వేడుకలు జరపాలని మంత్రి పొంగులేటి శ్రీనివాసరెడ్డి పిలుపునిచ్చారు. మేడ్చల్-మల్కాజిగిరిలో మంత్రి శ్రీధర్‌బాబుతో కలిసి ఆయన పోస్టర్ ఆవిష్కరించారు. తొలి విడతలో 4.50 లక్షల ఇళ్లకు గాను 2.21 లక్షలకు పైగా ఇళ్ల నిర్మాణం పూర్తయిందని, ప్రతీ సోమవారం లబ్ధిదారుల ఖాతాల్లోకే నిధులు జమచేస్తామని పేర్కొన్నారు.