బంగాళాఖాతంలో ఉపరితల ఆవర్తనం కారణంగా ఆంధ్రప్రదేశ్, తెలంగాణ రాష్ట్రాల్లో రానున్న మూడు రోజుల పాటు విస్తారంగా వర్షాలు కురిసే అవకాశం ఉందని వాతావరణ శాఖ వెల్లడించింది. కొన్ని ప్రాంతాల్లో ఈదురు గాలులు, పిడుగులతో కూడిన భారీ వర్షాలు పడతాయని అధికారులు తెలిపారు. దీంతో ఉష్ణోగ్రతలు పడిపోయి చల్లటి గాలులు వీస్తున్నాయి. గ్రామీణ ప్రజలు, రైతులు తగిన జాగ్రత్తలు తీసుకోవాలని సూచించారు.