ఉప్పల్‌లోని రాజీవ్‌గాంధీ అంతర్జాతీయ క్రికెట్ స్టేడియంలో భారత్, వెస్టిండీస్ మధ్య నాలుగో టీ20 మ్యాచ్ బుధవారం రాత్రి 7 గంటల నుంచి జరగనుంది. ఈ మ్యాచ్ కోసం సుమారు 2200 మంది సిబ్బందితో పోలీస్ శాఖ భద్రత ఏర్పాట్లు చేసింది. ప్రేక్షకుల రద్దీని దృష్టిలో ఉంచుకుని ఉప్పల్ ట్రాఫిక్ పీఎస్ పరిధిలో భారీ వాహనాలను నాగోల్ యూటర్న్, మెహఫిల్‌ జంక్షన్, హబ్సిగూడ జంక్షన్, రామంతాపూర్ 8వ వీధి ద్వారా మళ్లించారు.